To veker har gått fort. To veker med fokus på sosiale aktivitetar på alle trinn. Vi treng å vere i lag og gjere kjekke ting for å både bli kjend, kanskje bli kjend på nytt, eller bli enda betre kjend. Å bygge relasjonar er viktig for å kjenne seg trygg på skulen, og for å kunne lære. Heile skulen gjekk i lag til Kistevika ein av dagane. I nydeleg sommarver gjekk vi langs vegen frå skulen. Nokon var raske og andre brukte meir tid på kva som vaks langs vegen. Vel framme var det leik, leit etter småkryp under steinar og tang, klatring på berga, og matlaging på bål.  Nokon tok også initiativ til ei konkurranse om beste byggverk laga av drivved og anna ein fann i strandkanten. Takk for turen!