Dagane vert lysare og påska nærmar seg. Elevane lagar mykje fint i kunst og handverk. Dette pyntar vi skulen med til glede for alle som er her og alle som kjem innom. Dersom du går forbi skulen vår, ser du alt det fine som heng i vindua.

Vi snakkar mykje om ord som høyrer til påska og våren. Til helga er det vårjamndøgn (eit vanskeleg ord). Det døgnet er dag og natt like lange, og framover vert dagane lengre enn nettene. Det er dato for vårjamndøgn som er utgongspunkt for når påska kjem. Første påskedag er første søndag etter første fullmåne etter vårjamndøgn.