Adobe Stock

Svært høg vasstand

I fylket vårt er det farevarsel om svært høg vasstand (oransje nivå) i to periodar: frå laurdag morgon og frå laurdag kveld.

Råda er:

• Sjekk fortøyingane til båtar.
• Sikre lause gjenstandar i strandsona.
• Ver varsam ved ferdsel i strandsona, på grunn av høge bølger.

Overfløyming kan gi vasskadar på infrastruktur og bygningar fleire stader i strandsona. Vind og bølger i kombinasjon med høg vasstand kan gi moderate skadar på infrastruktur og bygningar i strandsona, heiter det i varselet.

Svært kraftige vindkast

Meteorologisk institutt varslar svært kraftige vindkast laurdag ettermiddag og kveld.

Råda er:

• Fest alle lause gjenstandar.
• Lukk vindauge og dører godt til.
• Sørg for at takrenner, stillas, antenner og presenningar er godt festa.
• Unngå ferdsel på utsette stader.
• Rekn med ekstra tid til transport og køyring.
• Vurder om reisa er naudsynt. Følg råd og sjekk status frå transportaktørar. Sjekk vegmeldingar (175.no).
• Behovet for beredskap skal vurderast fortløpande av beredskapsaktørar.
• Ver varsam ved ferdsel i strandsona og på sjøen. 
• Vurder på førehand tiltak for å avgrense skade.