DNT

Tid: torsdag 3. april frå 17.30 til 18.30

Stad: Herøy folkebibliotek

Meld deg på her!

2025 er Friluftslivets år, med ei rekke aktivitetar i Herøy.

Denne timen deler Inger Bakke lidenskapen sin for friluftsliv og det å oppleve naturen i lag med barn og unge. Ho bur på eit småbruk og har naturen rundt seg på alle kantar. Bakke er lidenskapeleg oppteken av å lære, forstå samanhengen og vere til stades i naturen i kvardagen.

– Vi menneske treng naturen rundt oss meir enn nokon gong både som kvilestad, læringsstad og møtestad. Naturen gir meg eit haldepunkt i ei elles kaotisk verd og den er min beste mentor, seier Bakke.

Ho har mange tips: Nokre dagar kan det vere å berre sjå opp på stjernehimmelen, andre dagar kan det vere å sette poteter eller slakte. Andre dagar igjen kan det vere å få opp pulsen, leike, hoppe i elva eller fyre bål.

Foredraget passer for alle, men spesielt for foreldre og besteforeldre og/eller andre som jobbar med barn og ungdom. Velkomen! 

Bakke er utdanna skodespelar og arbeider til dagleg som prosjektleiar i Sunnmøre friluftsråd. I anledning Friluftslivets år 2025 inviterer DNT Sunnmøre og Sunnmøre Friluftsråd til gratis inspirasjonsforedrag med støtte frå Sparebank 1 SMN Ålesund.

Informasjon om arrangementet på Facebook.