illustrasjon av kvalitetsmeldinga

Vi har no publisert kvalitetsmeldinga for grunnskulen i 2023. Meldinga gir innblikk i det omfattande arbeidet vi gjer for å nå utviklingsmåla i strategien «Herøyskulen 2023–2028». 

I kvalitetsmeldinga tar vi føre oss læringsmiljø og resultat.

Vi satsar på lesing

Her er noko av det du kan lese om i meldinga:

• I 2023 lanserte vi og fleire kommunar ein ny, felles leseplan. Vi er i full gang med å sette i verk planen. I herøyskulen legg vi stor vekt på språkutvikling og lesekompetanse.
• Vi er opptekne av tverrfagleg samhandling for å støtte barn, unge og familiar som møter utfordringar. Satsinga BTS (betre tverrfagleg samhandling) skal sikre at tiltak blir sette inn tidleg.
• Elevundersøkinga viser at trivselen blant elevane er høg.
• I rapporten Kommunebarometeret 2023 blei Herøy rangert som den åttande beste kommunen på skuledrift i landet.
• Gjennom kvalitetsmeldinga framhevar vi foreldra si rolle i læringsmiljøet.
• Vi legg stor vekt på både fagleg kunnskap og dei mindre målbare sidene ved det å vere elev i skulen. Det er i tråd med formålsparagrafen i opplæringslova og strategien for herøyskulen.

Skal behandlast av dei folkevalde

Kvalitetsmeldinga for grunnskulen skal no behandlast i utvalet for kultur og oppvekst og i kommunestyret.

Meldinga er ein del av det nasjonale kvalitetsvurderingssystemet. Ho bygger blant anna på data frå Utdanningsdirektoratet og Grunnskulens informasjonssystem – og frå undersøkinga UngData.

Last ned og les kvalitetsmeldinga her. (PDF, 9 MB)