Tysdag var det personalmøte i seksjonen. Der stilte Trond Arne Aglen, kommunedirektør, og Monica Svoren, avdelingsleiar for barn, familie og helse, for å dele ut prisen.
– Trygge og motiverte
Fleire hadde nominert nettopp seksjon for barnevern til arbeidsmiljøprisen for 2022 i Herøy kommune.
Og dette er grunnane til at seksjonen får prisen:
- Dei har jobba målretta med trivsel, førebygging av sjukefråvær og arbeidsmiljø.
- 10-faktormodellen er tema på kvart personalmøte.
- Dei har laga eit årshjul som heiter «best på fest». Årshjulet inkluderer blant anna sosiale aktivitetar som å markere bursdagar, avslutningar, påskefrukost, julebord, sommarfest og felles gåturar.
- Dei har fokus på å skape gode relasjonar til samarbeidspartnarane sine, både ved godt samarbeid og inkludering i sosiale aktivitetar.
- Dei har ein god og strukturert kompetanseplan for dei tilsette. Gjennom systematisk arbeid i organisering og fordeling av arbeidsoppgåver, har dei fått meir tid til målretta fagutvikling over tid.
- Leiaren har ein god dialog med dei tilsette gjennom personalmøte, medarbeidarsamtalar og andre «kva skjer»-samtalar.
- Tiltaka har ført til redusert sjukefråvær og redusert turnover. Medarbeidarane er trygge og motiverte og føler seg verdsette. Det er viktig i ein krevjande arbeidskvardag.
Det er arbeidsmiljøutvalet i kommunen som avgjer kven som får prisen. Alle tilsette kan nominere kandidatar. Medlemmene i arbeidsmiljøutvalet kan også nominere.
Frå høgre: Christine Riise Øvrelid, leiar i seksjon for barnevern; Monica Svoren, avdelingsleiar for barn, familie og helse; Trond Arne Aglen, kommunedirektør.
Svein Arne Orvik
Årleg pris med fleire kriterium
Arbeidsmiljøprisen blir gitt kvart år for tiltak som
- er med på å skape eit godt og trygt arbeidsmiljø
- kan bidra til auka motivasjon, entusiasme og humør
- medverkar til samarbeid over etablerte grenser
- verkar førebyggjande på helseskadar
- har stor overføringsverdi