Svein Arne Orvik

Møtet blir halde på Thon Hotel Fosnavåg torsdag 22. august klokka 11.30–15.30.

– Grunnen til initiativet er at vi treng å ta den gode nabopraten. Alle kommunene står i tøffe økonomiske utfordringar. Vi må samhandle betre for å få på plass gode tenester og samtidig spare pengar i åra framover, seier Storøy.

Slik ser programmet ut:

• Velkomen ved Tine Storøy, ordførar i Herøy
• Perspektivforedrag ved Geir Vinsand i Nivi Analyse:
  • utfordringar og langsiktige modellar for kommuneutvikling, med vekt på det regionale og nasjonale bildet
  • generalistkommunen si stilling
  • tankar om tyngdepunktorganisering av Møre og Romsdal og av Noreg
  • kommunane som endringsleiarar
  • forsterking av rolla som samfunnsutviklarar med meir
• Lunsj
• Moglegheit for forsterka samarbeid på ytre søre Sunnmøre, med forslag til stegvis omstilling, vekt på anbefalt interkommunal arkitektur, modne samarbeidsområde, heilskapleg og balansert organisering, grunnavtale med mål og prinsipp som første steg (Geir Vinsand)
• Gruppearbeid/refleksjonar i dei ulike formannskapa
• Avslutning – vegen vidare