Svein Arne Orvik

Eigedomsskatten skal gjere kommunen betre i stand til å drive tenester og investere for framtida. Skatten gjeld alle faste eigedomar i heile kommunen, inkludert bustadar, næringseigedomar, fritidsbustader og andre skattepliktige eigedomar.

Som innbyggar vil du få

• varsel dersom eigedomen din må synfarast for å berekne skatten
• ein skattesetel som viser beløpet på eigedomsskatten
• faktura med betalingsfrist og klagefrist

Taksering av private eigedomar

For bustadeigedomar nyttar vi i utgangspunktet bustadverdien, det vil seie formuegrunnlaget frå Skatteetaten, til å berekne skatten.

Alle eigedomar som ikkje har formuegrunnlag må takserast i felt. Det skjer ved utvendig synfaring.

Her på nettstaden vil det kome meir informasjon om

• taksering og synfaring
• eigedomskattelista
• kva typar eigedomar som er unnatekne eigedomsskatt

Taksering av næringseigedomar

Næringseigedomar har ikkje eit formuegrunnlag. Dei må derfor synfarast og takserast i felt. 

Takseringa av næringseigedomar er meir detaljert enn av bustadar. Det kan vere behov for at dei som skal taksere kjem inn i bygget. Eigaren vil i så fall verte kontakta.

Vegen vidare

Dette er noko av det viktigaste som blir gjort når administrasjonen følger opp vedtaket om å innføre eigedomsskatt:

• førebu sak for kommunestyret om nemnder som skal godkjenne takstane
• eventuelt kjøpe inn takseringstenester
• skaffe og sette opp fagsystem
• analysere og oppdatere matrikkelen, det vil seie registeret over fast eigedom
• lage retningslinjer for takseringa
• taksere eigedomar ved synfaring utvendig (og innvendig ved behov)
• vedta og offentleggjere eigedomsskattelista
• sende ut skattesetlar og faktura
• evaluere gjennomføringa og handsame eventuelle klager