Martin Hauge-Nilsen og Agnieszka Dvilevic har landmålarbrevet i boks.
Svein Arne Orvik
– Vi gratulerer med autorisasjonen og er svært nøgde med å ha dei to med på laget. Herøy er ein så stor kommune at vi treng to landmålarar. Vi er stolte over å ha sikra den rette kompetansen, seier Ole Magne Rotevatn, avdelingsleiar for utvikling.
Eit nytt krav i matrikkelforskrifta pålegg kommunane å ha autoriserte landmålarar til å styre arbeidet med deling av eigedomar.
No som Dvilevic og Hauge-Nilsen er autoriserte, unngår Herøy å leige inn landmålarar frå andre kommunar.
Det er Kartverket som har autorisert Dvilevic og Hauge-Nilsen. Dei er autoriserte på grunnlag av erfaringa si og autorisasjonsprøva dei no har tatt.
Prøva testa kunnskapane deira i alle relevante rettskjelder, i god landmålarskikk, i grunnleggande landmåling og i matrikkelføring.