Illustrasjonsfoto laga av Slyngstad Aamlid arkitekter

Dagsenteret skal etablerast i Svingen 4 med eit bruksareal på om lag 480 kvadratmeter i 1.etasje.

Kommunestyret vedtok i sak 111/23 å etablere eit lågterskel dagaktivitetssenter – etter at saka hadde vore handsama i råd og utval. Vi forventar å ferdigstille tilbodet i juni 2025.

Målsetting for tilbodet

Tilbodet er meint for innbyggarar som av ulike årsaker har behov for eit aktivitetstilbod uavhengig av alder, diagnose og funksjon. Tilbodet skal gje auka livskvalitet og meistring.

Innhald ved dagaktivitetssenteret

Vi tenker oss eit tredelt innhald: administrasjon, kafé og brukarfasilitetar. Med brukarfasilitetar meiner vi grupperom med hensiktsmessig møblering og oppbevaring av utstyr til aktivisering. I tillegg skal det etablerast eit sanserom.

Konkurransegrunnlaget

Konkurransegrunnlaget og kravsspesifikasjon/funksjonsbeskrivingar finn du på Doffin sin nettside.

Det vert gjennomført tilbodssynfaring torsdag 17.10.2024 kl. 10:00 på Svingen 4 for aktuelle entreprenørar.

 Tilbodsfrist: 14.11.2024 klokka 12.00