Avtalen vart skriven under onsdag av ordførar Bjørn Prytz og leiar Bjarte Øygard i Herøy idrettsråd.

I avtalen heiter det mellom anna at alle saker som er av felles interesse for idretten, skal formidlast til kommunen gjennom idrettsrådet.

Det står også at kommunedirektøren har ansvar for å hente inn uttale frå idrettsrådet i saker som vedkjem idretten. 

Måla med samarbeidsavtalen er å

• fremje felles mål om idrett, fysisk aktivitet og folkehelse for alle i kommunen
• sikre god samordning og kommunikasjon mellom kommunen og idretten
• klargjere viktige prinsipp og gjensidige krav og forventningar til samarbeidet
• sikre god ressursutnytting av offentlege midlar til idrettsanlegg og aktivitet