Adobe Stock

Med ein gong blir du andpusten, får høgare puls og blir varmare. Over tid vil du merke at du får betre kondisjon, klarer meir i kvardagen og blir sterkare.

Fysisk aktivitet bidrar dessutan til prosessar i kroppen som du ikkje merkar sjølv – men som er svært viktige for at du skal halde deg frisk:

• Blodtrykket fell markant.
• Forbrenninga held seg høgare. 
• Fordøyinga blir betre.

Gjer det mogleg å bu heime lenger

Fysisk aktivitet er bra for hjernen: Du blir meir merksam, regulerer kjenslene betre, løyser problem lettare og hugsar og planlegg betre. Fysisk aktivitet kan bidra til å redusere depresjon og angst – og gi betre søvn.

Ja – fysisk aktivitet gir både meir overskot og betre livskvalitet. 

Eldre som er fysisk aktive, vil i større grad kunne vere sjølvhjelpte i kvardagen og bu heime lenger.

Det er anbefalt å trene både kondisjon, styrke og balanse.

Å gå slik at du blir sveitt – på tur eller i trapper – er god kondisjonstrening.

Det finst mange måtar å trene styrke og balanse på.

Her kan du ta eit nettkurs som viser korleis du kan trene heime.  

Her ser du sju konkrete øvingar du kan gjere for å førebygge fall. 

Her finn du endå fleire øvingar.

Sterk og stødig i indre og ytre Herøy

Vi vil også tipse deg om eit fint treningstilbod vi har i Herøy: Sterk og stødig. Dette er trening i gruppe for deg over 65 som merker at du av og til er litt ustø. Vi har styrkeøvingar for beina og balansetrening.

Vi har Sterk og stødig-treningar i indre og ytre Herøy. Ta kontakt og bli med!

Her ser du korleis ein time på Sterk og stødig kan vere. 

Fysioterapeutane i Herøy kan elles gi deg råd om trening og fysisk aktivitet.

Gå til hovudsida til kampanjen «4 tips til 65+»

Seksjon for rehabilitering i Herøy kommune har samla og tilrettelagt informasjonen i denne teksten. Informasjonen er henta frå statlege og kommunale kjelder.

Tre herøyværingar fortel

Få også med deg korleis tre av innbyggarane våre ser på det å bli eldre:

Anlaug Varhaugvik: – Skal det berre vere å gå i ti år og vente på at livet er over?

Roar Skoglund: – Eg må velje: Vil eg få eit sløvsinn? Eller vil eg vere aktiv og pågåande?

Randi Almestad: – Eg blir så engasjert!